Kökkur

Já í dag líður mér ekki nógu vel, atvik í gær var til að sparka mér nokkur ár aftur í tíman and$%&$ og allt það.  Áfallaröskun er ekkert lamb að leika sér við og virðist bara lúra í undirvitundinni og kemur svo stökkvandi eins og sprellikarl upp úr kassa með tunguna út úr sér, ég hef oft spurt mig hvenær í veröldinni losna ég alveg við þetta, en það er lítið um svör og þegar ég held að þessi andskoti sé farinn fyrir fullt og fast þá......... já þá gerist einkvað sem hendir mér til baka.

Ekki það að ég sé ekki laus frá kringumstæðunum og komin á öruggan stað heldur virðist áralangt ofbeldi bæði líkamlegt og andlegt skaða fólk til langframa og sjálfsásökunin er ekki langt undan og allur sá pakki   kvíði, depurð, neim itt.

Þegar ég var að ganga í gegnum verstu kaflanna gat ég ekki talað við neinn þannig lagað séð bara að setja upp grímuna og leika og leika mig í kaf, og allar mínar veraldlegu eignir flugu í burtu og það var bara tabú fólk vildi einfaldlega ekki heyra slíkt og varð bara vandræðalegt og leit undan.

Nú keppist fólk við að segja hvað það hafi tapað miklu í bankahruninu og fær ómælda samúð og klapp á bakið, allir í sama skítnum og þá er allt í lagi að tala um það,sem er af hinu góða.  Munið að hlúa vel að því sem mölur og ryð fær ekki grandað andlegri heilsu þinnar og annarra.

Nýtt líf

Þegar ég skipti um líf fyrir nokkrum árum þá forgangsraðaði ég upp á nýtt, annað var ekki í boði þar sem þjáðist af áfalla-streitu hinni meiri, og það var ekki af völdum almættisins þeas ekki snjóflóð jarðskjálfti eða þessháttar sem ollu streitunni, nei nei hún var algjörlega af mannavöldum.

Jæja ég skar niður allan óþarfa (lesist lúxus) og forðaðist eins og heitan eldinn að koma mér í streituvaldandi aðstæður eins og tala við leiðinlegt fólk  sem ég þurfti ekki að hafa samskipti við út af skyldleika eða þessháttar, hætti að fara jarðarfarir nema fólk væri skylt mér eða gamlir og góðir vinir, vann mig út úr því að vera alltaf með samviskubit yfir öllu og öllum og  taka á mig gjörðir annarra, þar sem ég gat ekkert gert í málunum. Sumum finnst þetta vera harkaleg viðbrögð en hvað með það, þegar þú ert með áfalla-streitu hefurðu bara ekki efni á því að láta þér líða illa.

Og ég hef komist að því að það er hægt að lifa góðu lífi án þess að vera eins meðvirk og ég var og taldi mér trú um að jörðin snerist ekki nema ég væri á eilífri vakt til að sjá um að allt væri í lagi .  Njótið stundarinnar og vissuna um að öll él birta upp um síðir

 

snobb bobb bobb

Ég hef oft velt því fyrir mér hvað það er sem stjórnar verðlagi á list, og hver segir að einn listamaður sé betri (dýrari) en annar.  Ekki fer það eftir skólagöngu svo mikið er víst, því barnalegir listamenn með enga skólasögu  í listum eru til skýanna hafnir og seljast dýrum dómum líka ma Stórval.

Ég velti þessu fyrir mér því í sumar áskotnaðist mér 2 "listaverk" eftir mann að nafni Jóhannes, annað var með silfurskildi og eiganda þess þakkað vel unnin verk.  Sonur minn tók myndir af verkunum og fór með í gallery Fold svona meira að gamni en að okkur dytti í hug að þarna væri einkver vermæti, en viðbrögðin voru vægast sagt undarleg svo ekki sé meira sagt  konugreyinu sveldist svo á munnvatninu að lá við köfnun, þetta er algjörlega verðlaust drast sagði hún enda eftir Jóhannes húsamálara og ætti hvergi heima nema í sumarbústöðum hvernig sem hún fann það nú út .  En við gátum allavega skemm okkur vel yfir þessu endemis snobbi og komum "listaverkunum" í snarhasti í viðeigandi sumarbústað.

Pirrrrrrrr

Pirrþröskuldur minn er ekki mjög hár  dæmi: þeir sem eru alltaf að tengja við moggafrétt,  damit hvað það getur verið assgoti leiðinlegt.  Ég er með nokkra moggabloggara á favorites og  hárin rísa á hausnum á mér þegar þeir byrja ábending: ef þið hafið ekkert að blogga um þá sleppa því.

Annað: nokkrir fréttamenn, ein kvenkyns á Stöð 2 og einn íþróttaþulur sem endar allar setningar í lausu lofti.  Auglýsingaþulir sem kunna ekki mælt mál.  Ruslpóstur, hann er sem betur fer minnkandi  man ekki meir í bili. Þetta pirr var í boði Kaupþings.

Þorgerður Katrín

Ég skipti mér nú ekki mikið af pólítík, en nú get ég ekki annað en tekið ofan fyrir Þorgerði Katrínu þar sem tungan á henni er ekki pikkföst við rassinn á Davíð eins og hjá jákórnum í Sjálfstæðisflokknum, nú síðast þessi ungi maður Bjarni Benediktsson hvað er að ???? hvaða ægivald hefur Davíð á þessu liði? Mér rennur satt að segja kalt vatn milli skinns og hörunds að heyra í þessu fólki.

Jæja skammdegið að sigla inn, ekki minn tebolli en ekki getur kona breytt náttúrulögmálunum þó að hún vilji hafa sumar allt árið um kring :) þannig að það er bara að bíta á jaxlinn og kveikja ljós er þaekki.

Erfðir

Svona fyrir þá sem eru á móti því að íslendingar blandist öðrum kynþáttum.

Eitt barna minna hefur stundum fengið verki í mjöðm ja svona eiginlega upp úr þuru,og þá hefur hann átt erfitt með gang, dreif hann sig fyrir skömmu til giktarlæknis og sá tók af honum fjöldann allan af blóðprufum og niðurstöður?? já hann er með vefjaflokk sem bara hér á Íslandi finnst í fólki sem er ættað af Hornströndum ss innræktun eða skyldleikaræktun ef hægt er að kalla það svo,og er þessi vefjaflokkur sélrega næmur fyrir sýkingu innvortis eins og salmonellu chlamidiu kamfílobacter og ýmsu öðru og þarf fólk ekki að verða svo mikið var við sýkinguna  sem veldur kannski niðurgangi svo ekki meir, en og það er stórt en þetta hleypur i liðamótin á þessu fólki og veldur bólgum en í flestum tilfellum er hægt að vinna bug á þessu með fúkkalyfjum. 

Ég tel mig vera í þessum vefjaflokk þó að ég viti það ekki, bæði á ég ættir að rekja þangað (Hornströndum) og síðan er ég búin að kljást við liðverki í mörg ár
en aldrei datt mér þessi skýring í hug. Og ég get rakið ættir mínar í föðurætt til amk. þriggja landnámsmanna Ingólfs Arnarsonar Egils Skallagrímssonar og Njáls á Bergþórshvoli,ss föðurættin hefur ekki blandast mikið í gegnum tíðina, en sem betur fer er blöndunin öllu meiri í móðurætt.

Það þarf ekki endilega að koma fávitaháttur út úr skildleikaræktun   heldur ýmsir svona kvillar. Og mikill er máttur Kára Stefánssonar og co.

Fyllibyttur

Þegar ég var krakki var ég dauðhrædd við fyllibyttur, það hefði verið betra að það hefði enst fram á fullorðinsaldurinn.  Í staðinn fékk ég ólæknandi björgunaráráttu mission: björgum fyllibyttunni en það sannast eins og oft áður að það er ekki hægt að bjarga þeim sem vilja ekki láta bjarga sér.  Hversu margar konur hafa ekki "lent í því" eða komið sér í svoleiðis aðstöðu, fullvissar um að engar nema þær séu færar um að koma byttunni á réttan kjöl, lítið vissum við.

Skildu ekki margar konur kannast við þetta, eina konu þekki ég sem náði sér í fyllibyttu þegar hún var komin vel á fullorðnist ár fullviss um að aðeins hún gæti bjargað honum og situr núna á áttræðisaldri uppi með fyllibyttu sem er eignalaus og hefur ekki unnið í mörg ár og hefur bókstaflega lifað á henni alsæll og heldur áfram sinni hegðun i öruggu skjóli hennar, börnin hans sömuleiðis sæl með að hafa barnapíu fyrir karlinn en hennar börn ekki eins sæl sem skiljanlegt er.

Ungu konur (og gamlar líka ) hugsið ykkur tíu sinnum um áður en þið gerist björgunarmenn fyrir fyllibyttur. 

 

 

 

Zzzzzzzzzzzz

 Ég fór í fermingu í gær "úti á landi " í heimabæ Himnaríkisdrottningarinar veðrið var dásamlegt þó kalt væri, ég afrekaði það að sofna trekk í trekk í messuni  verst var hvað það þarf alltaf að vera að brölta þetta standa upp og setjast  til skiptis.  Ég hef reyndar aldrei skilið þetta brölt i kirkjum og var að hugsa í gær hvort gvuð vilji virkilega hafa þetta svona eða er þetta brölt ekki bara hugarsmíð manna eins og svo mart sem er tileinkað gvuði, klerkar fyrri alda sem kúguðu almenning hafa viljað halda mannskapnum almennilega vakandi til að hlusta á oft á tíðum (fylliríis) rausið í þeim.

En ég sat nærri allan daginn sem hefur ekki gerst lengi, en veislan var góð en best að koma heim.

Bændaferðir

Mig langar allt í einu svo mikið með Bændaferðum í sumar.  Fór í fyrrahaust og var ákveðin í að fara ekki aftur, ekki það að ég skemmti mér vel allavega svona eftirá  en svínahnitsel í nærri öll mál var einum of mikið og eftir 10 daga var kvótinn á furðufugla eiginlega búin . 

En áðan hittum við hjón sem voru með okkur í ferðinni og fórum að rifja upp svona spaugileg atvik, og þau ætla aftur í haust og þá allt í einu langaði mig að fara í ferð á góðum tíma þeas hýtt og gott veður.  Í fyrra var bara hlýtt fyrstu dagana, síðan úlpuveður eiginlega, í  Vínarborg var mér svo kalt að ég  hentist inn í Wolfort ( dýr búð ) og keypti mér leggings innanundir gallabuxurnar, fínu dömurnar í búðinni settu upp furðusvip þegar ég spurði hvort ég mætti ekki bara vera í þeim því þær biðu með silkipappírinn í höndunum til að pakka þeim inn, en ég fékk ægilega fínt umslag utanum vísanótuna.( furðufuglar hvað  ) En kaffihúsin eru æðisleg í Vín bara að það hefði verið hægt að sitja úti.

mohito

Gleymdi í síðustu færslu að minnast á kaffi Amor fékk þar besta mohito sem ég hef smakkað, fór þangað í fyrra og svo aftur núna og bara namm hvað hann er góður hjá þeim, fæ vatn i munninn við tilhugsunina,  langar þangað aftur núna . 

Annars er ég búin að vera eins og ofvirkt jójó í dag og mikið er gott að geta bara slappað af og gert ekki neitt, sitja með tölvuna í fanginu  og skruna á alnetinu lesa blogg og solis.  Á morgunn byrjar svo önnur törn, en til þess að geta hlaðið batteríin þarf maður frið og að vera í andlegu jafnvægi sem ég er sem betur búin að öðlast eftir margra ára baráttu og vanlíðan.  Góðar stundir folks.

,