Dagbók

Ég hef skrifað dagbók síðan 1982, já nokkurskonar dagbók hef allar færslur stuttar bara eins og kemst fyrir í lítilli vasadagbók, byrjaði eiginlega á henni til að fylgjast með tíðarhringnum síðan bættist veðrið við, þá átti ég heima út á landi þar sem veðrið skipti miklu máli og allur dagurinn gat farið  í það að gá til veðurs og hvort það yrði flogið þann daginn og við fengið brýnustu nauðsynjar eins og mjólk og brauð, það sem maður gat eitt mikilli orku í þetta, ég var með kóniska stressbólgu í öllum líkamanum og gat varla hreyft á mér hausinn með góðu móti og ekki var það aldurinn sem var að hrjá mig heldur það sem daninn kallar ondt í livet kvíði, stress og þessháttar vandamál.

Jæja þessi dagbókarskrif þróuðust út í það að ég skrifaði það helsta sem ég gerði yfir daginn, en passaði mig á því að þar kæmi ekki fram neitt sem aðrir mættu ekki vita ef bækurnar kæmust í hendurnar á öðrum en mér, ef það var einhvað sem lá þungt á mér skammstafaði ég það jafnan eða gerði ákveðin tákn, það er ansi skondið að lesa þessi skrif eftir öll þessi ár og fatta ekki einusinni hvað  þessar skammstafanir eiga að þýða en þær (dagbækurnar) hafa reynst mér gagnlegar á öðrum sviðum td ef mig langar að vita hvað ég var að gera ákveðinn dag eitthvert árið. En núna kemur bloggið sennileg í staðin fyrir svona gamaldags dagbók. Góðar stundir